| 今日係 Dem 水戰既大日子，其實真係等佐哩日好耐！！烈日當空下起水池、駁水喉、泵水彈、搬水，真係辛苦了一眾 OC 及 helpers，不過辛苦完最重要係玩得開心，文院六 soc 大混戰，OC 加 helpers 有大約六十人，雖然成身濕晒，但係真係好正！！Freshman 永遠係最幸福既，因為佢地可以盡情咁玩，真係好想變番做個 freshman~ 但係日子越耐，就越覺得做 OC 其實好好，雖然多野做，但只要做得開心就乜都值得！！同文院各 soc 既 helpers、特別係一眾 OC 相處過後，真係會乜野唔開心都唔記得晒，因為佢地個個都超級搞笑同好人，我真係好鍾意佢地！！甚至發覺自己好鍾意返去開會、同成班 OC 一齊執 soc 房、dem games，好似有 D 上癮咁 =) 慶幸當初答應了出任大 P 的職位，如果冇佐哩次機會，我諗我應該唔會識到咁多其他 soc 既人，仲可以多佐咁多新朋友同歡樂，而且有咁多難忘既回憶同寶貴既經驗，仲可以同 Eng、Tran、Reli、Hum、Mus 既人一齊玩得咁癲，再辛苦都係值得的！！ 突然想起梁啟超的《最苦與最樂》，工作的辛勞並不來自工作量多與少，而應該是來自自己對該項工作的熱誠及投入程度，人們可以專心一致於自己所熱愛的工作上，甚至廢寢忘餐！！現在的我可是對 OC 的工作及一眾 OC、helpers 愛不釋手，假如讓我重新選擇，大 P 這個位置我也一定當仁不讓  |
| |
| 近日真的很忙，又要上堂，又要開會，又要開始準備 dem games 同搵 external 既 helpers！！最煩既都係 book 場同搵 helpers 既問題，book 場方面當真要答謝巴架仔，放假都要特登走返 BU 撲場；其次就係 Marsha，要佢 follow book 場既野，仲要日日提心吊膽有冇場；仲有文院各 soc 既努力，真係衷心多謝以上每一位，能幹的大家替我分擔了不少工作 =) 在一輪的辛勞後，book 場的問題總算解決了！！餘下來只剩下棘手的 helpers 問題，俾人催交 helpers list 催佐幾日了，一定要盡快搞掂佢，希望吧！！聽日就開始 dem Hong Kong Hunt，除了我們 OC，各 soc 總算搵夠 helpers，辛苦及感謝各位的幫忙，我知道這是一份吃力的工作，但我相信在箇中一定有所得著的，大家都加油吧！！ 18 號我一定會去接您機的，縱然七月很忙，但抽一日半日去玩總是可以的，吊頸也要鬆口氣吧，只求我們不要再吵架就好了，病了就多保重身體，不要令關心您的人擔心！！還是那句，只要您開心我就放心了~ |
| |
| 一個烏雲密佈、大雨滂沱的星期六，最近兩日都睡得很差，人的心情也是糟透了！！自己不知已經有多久沒有發過這樣大的脾氣；沒有試過以這麼不饒人的語氣去與別人吵架，而且那還是一個在我心目中佔有一定份量的人！！ 自從收到了 Ex 的長途電話，心情一直都沒有好轉，為甚麼我們每次都總是吵架收場？您說您七月中回來，我說好，這是您口中的呼衍；您說您回來找我吃飯，我說可以，但我擔心七月會忙，這是您口中的逃避、藉口……那我應該無話可說，不說話，這是您口中的陌生！！但我不應怪責，甚至不應還擊，因為過往種種令我於心有愧的事，告訴我這是我應有的懲罰，最重要還是您能順心愉快！！ 一直以為已經放低，原來只是受時間的沖擦久了，是沖淡，不是消失！！其實您說得對，大慨我是一個喜歡逃避問題的人，諷刺的是，我一直深明這並不是解決問題的最佳辦法！！發脾氣並不是在責怪您，而是在怨恨自己！！不是那種關係，我不希望連朋友也做不來~ 小孩子還可以哭、還可以大吵大嚷，可是我可以做些甚麼？不希望令家人擔心、令朋友操心，照照鏡子，強裝出來的笑容實不好看，連自己也騙不了，那又可騙得了誰？思緒混亂，可有一點還是清楚的，直至目前為止，我只知道還有很多事情等著我去完成，給自己兩天期限，一定要步出沮喪的陰霾，重新振作~ |
| |
| 二零零九年六月二十日，一個體力透支的星期六，連續開了兩個會，一個係 programme 既會，一個係大會，迎新營真係好多野搞，不過有一班咁熱情同咁識搞爛 gag 既 OC，做野都做得好開心！！ 迎新營籌委會都成立了一段日子，OC 之間慢慢都建立了一份深厚既感情，開會果時大家都會有講有笑，但係又唔會影響到工作進度，其實工作進度真係俾預期快佐好多，大家都好做得野，又好玩得，今年既 OC 真係好好！！ 今日同 programme 開完會，八個人去佐南山村品香樓食飯，一大班人一齊食飯、一齊吹水真係好開心，Syrus 搞 gag 既能力真係無人能及，阿 Huen 呀，千祈唔好同我鬥笑點低，我實贏硬，係 Eng soc 真係搵到好多志同道合既朋友，好期待下一次約齊全部 OC 的聚會！！09-10 年度的迎新營是屬於 freshman 的，但 09-10 年度的迎新營籌委會是屬於我們的，大家都加油吧，為 o-camp、為我們的師弟師妹拼盡全力啦！！ 而家好期待三日兩夜迎新營的來臨，我地哩班咁癲既 OC 就可以大展身手了，相信到時一定會有更多屬於大家的愉快、難忘的回憶！！大學的三年已經過了一年，總算做回一件有價值的事，三年很快會過，但記憶卻是一輩子的，過去已追不回來，未來的難忘回憶要靠自己去營造，我要繼續努力，一係唔做，一做就要做到最好！！ |
| |
| 今日係二零零九年六月十六日，係弘凱恩二十一歲大壽，祝阿恩生日快樂，仲要一年靚過一年！！ 同中山、Terry、佐治、豆豆、Pinky去佐尖沙咀寶勒巷 Neway 唱 K，同阿恩慶祝生日，阿恩有好多禮物呀，有背囊、膠布、大耳狗牙刷、手巾仔........ 仲有一個好好食既黑森林蛋糕，全靠佐治，永遠都會記得我同 Cherry、中山、Terry、佐治五個人一齊錐個雪到好硬既雪糕蛋糕，真係一段好好的回憶！！無論點都好啦，最緊要阿恩開心 由十一點唱到四點，都只係 $37，有海嘯價唱 K 真係好抵，不過真係唱到喉嚨痛！！原來佐治唱歌真係幾得，我而家終於信佢係歌唱比賽冠軍了！！之後豆豆帶佐我地去機舖打機，玩頭文字 D、超級比一比......... 之後約佐峰少出旺角食飯，行行下買佐部新既 i-phone，又花費佐一大筆了，係時候要搵多幾份補習了！！ |
| |
